Ֆրանսիայի հավաքականի եւ Թուրինի «Յուվենտուսի» կիսապաշտպան Պոլ Պոգբան ցանկություն է հայտնել տեղափոխվել «Բարսելոնա», հաղորդում է Sport.es-ը:
Ֆուտբոլիստը երազում է խաղալ «Բարսելոնայում» եւ այդ մասին հայտնել է կատալոնական ակումբի ղեկավարությանը: Իսպանիայի չեմպիոնները հույս ունեն Պոգբայի ցանկությունն օգտագործել «Յուվենտուսի» հետ բանակցություններում: Իտալական ակումբն ու Պոգբայի գործակալ Մինո Ռայոլան մտադիր են ֆուտբոլիստի տրանսֆերի վաճառքից ստանալ մոտ 100 միլիոն եվրո:
Պոգբայի ծառայություններով հետաքրքրված են նաեւ Մադրիդի «Ռեալն» ու անգլիական «Մանչեսթեր Սիթին»:
Իտալիայի ընթացիկ առաջնությունում 22-ամյա ֆուտբոլիստը մասնակցել է 22 հանդիպման, խփել է հինգ գոլ, կատարել է նույնքան գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։