Զիդան. Դեմ չեմ, որ «Բարսելոնան» եզրափակիչն անցկացնի մեր ստադիոնում
13:16 13 փետրվարի, 2016Դեմ չեմ, որ «Բարսելոնան» եզրափակիչն անցկացնի մեր ստադիոնում, ասել է Մադրիդի «Ռեալի» ֆրանսիացի գլխավոր մարզիչ Զինեդին Զիդանը՝ խոսելով Իսպանիայի գավաթի խաղարկության եզրափակիչ հանդիպումը Մադրիդի «Սանտյագո Բերնաբեու» ստադիոնում անցկացնելու հավանականության մասին:
«Ես կնայեմ այդ հանդիպումը, քանի որ սիրում եմ ֆուտբոլ եւ ցանկանում եմ տեսնել լավ խաղ: Ինձ համար տարբերություն չկա, թե որտեղ կխաղան եւ ով կհաղթի:
Բայց նաեւ հասկանում եմ, թե ինչու «Ռեալի» երկրպագուները չեն ցանկանում իրենց ստադիոնում տեսնել «Բարսելոնայի» հնարավոր հաղթանակը: Կարծում եմ՝ «Բարսելոնայի» երկրպագուները եւս չէին ցանկանա, որ «Ռեալը» գավաթը նվաճեր իրենց ստադիոնում»,- Զիդանի խոսքը մեջբերում է mundodeportivo-ն:
«Բարսելոնայի» ղեկավարությունը ցանկանում է «Սեւլիայի» հետ Իսպանիայի գավաթի խաղարկության եզրափակիչ հանդիպումն անցկացնել «Ռեալի» ստադիոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։