Էրիկ վան դեր Մեեր. Մալաքյան եղբայրները շատ տաղանդավոր են
00:03 13 փետրվարի, 2016Դնեպրոձերժինսկի «Ստալի» հոլանդացի գլխավոր մարզիչ Էրիկ վան դեր Մեերը խոսել է թիմում փորձաշրջան անցնող Էդգար ու Գոռ Մալաքյանների մասին:
«Կարծում եմ՝ կարելի է տեսնել, որ Գոռի մոտ կա տաղանդ, որը պետք է օգտագործել: Սակայն ֆուտբոլիստը դեռ պետք է հարմարվի ուկրաինական ֆուտբոլին, քանի որ այստեղ ամեն ինչ շատ արագ է տեղի ունենում, արագություններն այլ են: Դեռ ունենք ժամանակ: Գոռն ու Էդգարը դեռ 3 օր են մարզվում թիմի հետ: Նկատելի է նաեւ, որ Էդգարն ավելի փորձառու է եւ ավելի արագ է հարմարվում նոր իրականություններին: Ժամանակը ցույց կտա, բայց կարող եմ ասել մի բան, որ այս ֆուտբոլիստները շատ տաղանդավոր են»,- մարզիչի խոսքը մեջբերում է ակումբի կայքը:
Հիշեցնենք, որ Մալաքյան եղբայրները փետրվարի 12-ին «Ստալի» կազմում մասնակցել էին Բելցիի «Զարյայի» դեմ ստուգողական խաղին, որում Էդգարը դարձել էր գոլային փոխանցման հեղինակ: Հայաստանի ընթացիկ առաջնության առաջին հատվածում հայ կիսապաշտպանները հանդես էին գալիս Գյումրիի «Շիրակում», որը դեռ հայտարարություն չի արել նրանց ապագայի վերաբերյալ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։