«Բարսելոնայի» եւ Իսպանիայի հավաքականի լեգենդար ֆուտբոլիստ Չավի Հերնանդեսը կարծում է, որ Թուրինի «Յուվենտուսի» ֆրանսիացի կիսապաշտպան Պոլ Պոգբան չի համապատասխանում կատալոնական ակումբի խաղաոճին:
«Ինձ հիացնում են Պաուլո Դիբալան ու Մարկո Վերատին: Իմ կարծիքով, նրանք օժտված են «Բարսելոնայի» գենով: Նրանց տեսնում եմ որպես «Բարսելոնայի» ապագա խաղացողներ:
Ինչ վերաբերում է Պոլ Պոգբային, ապա նա ուժեղ ֆուտբոլիստ է: Ինքս զգացել եմ դա նրա դեմ խաղալիս: Նա հաջողության կհասնի Ֆրանսիայի հավաքականում, ինչպես դա անում է «Յուվենտուսում»: Սակայն Պոգբայի խաղաոճը չի համապատասխանում «Բարսելոնային»: Ես ոչ թե թերագնահատում եմ նրան, այլ՝ հակառակը: Եթե ինձ առաջարկեին Պոգբային, ես չէի հրաժարվի նրանից»,- քաթարյան «Ալ Սադի» 36-ամյա ֆուտբոլիստի խոսքը մեջբերում է El Mundo Deportivo-ն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։