Ալեքսանդր Գրիգորյան. Ինձ համար կարեւոր կլինեն 2 գործոններ
10:10 12 փետրվարի, 2016Խաբարովսկի «ԲՄԱ-Էներգիայի» գլխավոր մարզիչ Ալեքսանդր Գրիգորյանն անդրադարձել է կիպրոսյան հավաքին:
«Կիպրոսյան հավաքը շատ կարեւոր է: Այն ցույց կտա, թե ճանապարհի որ փուլում ենք մենք: Մեր նպատակը տեղն Առաջին դիվիզիոնում պահպանելն է: Ինձ համար կարեւոր կլինեն 2 գործոններ՝ խաղի որակն ու արդյունքը:
Ֆուտբոլի Ազգային լիգայի գավաթի խաղարկությունը տեղեկատվական մրցաշար է ֆուտբոլիստների եւ մարզիչների համար: Պետք է պահպանենք բալանսը՝ արդյունքի հասնելով առանց կորուստների: Ոչ մի դեպքում պետք չէ մոռանալ, որ այս մրցաշարը կարեւոր է, սակայն առաջնության երկրորդ շրջանի նախապատրաստական փուլերից մեկն է»,- մարզիչի խոսքը մեջբերում է «ԲՄԱ-Էներգիայի» կայքը:
Կիպրոսում փետրվարի 14-23-ը կայանալիք Ֆուտբոլի Ազգային լիգայի գավաթի խաղարկության խմբային փուլում «ԲՄԱ-Էներգիան» մրցելու է «Տոմի», «Սիբիրի» ու «Բալթիկայի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։