«Գանձասար-Կապանը» շարունակում է ուժեղացնել կազմը՝ պատրաստվելով Հայաստանի Բարձրագույն խմբի 24-րդ առաջնության երկրորդ հատվածին: Թիմի հետ կես տարվա պայմանագրեր են նքել փորձառու պաշտպան Հովհաննես Գրիգորյանը եւ խոստումնալից դարպասապահ Տիգրան Դավթյանը, հաղորդում է «Գանձասար-Կապանի» մամուլի ծառայությունը: Հովհաննես Գրիգորյանը նախկինում հասցրել է հանդես գալ կապանյան թիմում՝ անցկացնելով 23 հանդիպում:
«Գանձասար-Կապանը» փետրվարի 12-ից 10-օրյա մարզումային հավաք կանցկացնի Կրասնոդարի երկրամասի Կրիմսկ քաղաքի «Գիգանտ» մարզահամալիրում: Նախատեսված է նաեւ երեք ստուգողական հանդիպում:
Փետրվարի 15-ին Աշոտ Բարսեղյանի գլխավորած թիմը կմրցի Եկատերինբուրգի «Ուրալի» հետ, որի կազմում հանդես է գալիս Հայաստանի հավաքականի հարձակվող Էդգար Մանուչրայնը: Երեք օր անց կապանյան թիմի մրցակիցը կլինի Ռոստովի ԲՄԱ-ն: Հավաքը կավարտվի Նիժնի Նովգորոդի «Վոլգայի» հետ ստուգողական խաղով, որը տեղի կունենա փետրվարի 21-ին: Հիշեցնենք, որ «Վոլգայում» է հանդես գալիս Հայաստանի հավաքականի հարձակվող Արթուր Սարկիսովը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։