«Նապոլիի» երկրպագուներն աջակցել են ռասիզմի «զոհ» դարձած ֆուտբոլիստին (ֆոտո)

09:40   8 փետրվարի, 2016

Իտալական «Նապոլիի» երկրպագուները գեղեցիկ ակցիա են կազմակերպել «Կարպիի» դեմ A Սերիայի 24-րդ տուրի խաղում, որում աջակցել են ֆրանսիացի պաշտպան Կալիդու Կուլիբալիին, գրում է Gazzetta dello Sport-ը:

Բանն այն է, որ «Նապոլիի» ու «Լացիոյի» միջեւ նախորդ տուրի խաղում հռոմեական ակումբի ֆանատները ռասիստական բնույթի արտահայտություններ էին արել սեւամորթ ֆուտբոլիստի հասցեին: «Կարպիի» դեմ խաղում «Նապոլիի» երկրպագուները ստադիոն էին եկել Կուլիբալիի դիմակներով:

Հիշեցնենք, որ «Նապոլին» Իտալիայի առաջնության առաջատարն է եւ պահպանում է  2 միավորի առավելությունը երկրորդ տեղում գտնվող «Յուվենտուսի» նկատմամբ: 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։