«Չելսին» ու «Մանչեսթեր Յունայթեդը» հանդիպեցին անգլիական Պրեմյեր լիգայի 25-րդ տուրի վերջին խաղում: Լոնդոնում կայացած հանդիպումն ավարտվեց 1:1 հաշվով, իսկ մանչեսթերցիները հաղթանակը բաց թողեցին ավելացված ժամանակում:
«Մանչեսթեր Յունայթեդը» նկատելի առավելություն ուներ առաջին խաղակեսում, բայց թիմերն ընդմիջման գնացին 0:0 հաշվի ժամանակ: Ընդմիջումից հետո էլ հյուրերն ավելի լավ տեսք ունեին, իսկ 61-րդ րոպեին բացեցին հաշիվը: «Չելսիի» դարպասը գեղեցիկ հարվածով գրավեց անգլիացի կիսապաշտպան Ջեյսի Լինգարդը: Երկրորդ խաղակեսում լոնդոնցիները ստեղծեցին վտանգավոր պահեր, բայց իսպանացի դարպասապահ Դավիդ դե Խեան մի քանի անգամ հյուրերին փրկեց գոլից: Այնուամենայնիվ, վերջնամասում «Չելսին» մեծացրել էր ճնշումը եւ ավելացված ժամանակում բրազիլացի հարձակվող Դիեգո Կոստայի գոլի շնորհիվ փրկվեց պարտությունից:
«Մանչեսթեր Յունայթեդը» «Չելսիին» չի կարողանում հաղթել 2012-ի հոկտեմբերից: Լուի վան Գալի թիմը 41 միավորով 5-րդ տեղում է, իսկ Անգլիայի գործող չեմպիոնը 30 միավորով 13-րդն է:
Անգլիայի առաջնություն, 25-րդ տուր
«Չելսի» - «Մանչեսթեր Յունայթեդ»՝ 1:1
Դիեգո Կոստա, 90+1 - Ջեյսի Լինգարդ, 61
«Բորնմութ» - «Արսենալ»՝ 0:2
Մեսութ Օզիլ, 23, Ալեքս Օքսլեյդ-Չեմբերլեն, 24
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։