Անգլիայի առաջնության 25-րդ տուր
Հյուրերին հաջողվեց խփել արագ գոլ, որը երրորդ րոպեին իր անվան դիմաց գրանցեց գերմանացի պաշտպան Ռոբերտ Հուտը: Ընդմիջումից քիչ անց «Լեսթերի» առավելությունը կրկնապատկեց ալժիրցի կիսապաշտպան Ռիհադ Մահրեզը, իսկ 60-րդ րոպեին Ռոբերտ Հուտը հաշիվը դարձրեց 0:3՝ դառնալով դուբլի հեղինակ: «Մանչեսթեր Սիթիի» հեղինակության գոլը 87-րդ րոպեին խփեց արգենտինացի հարձակվող Սերխիո Ագուերոն, որը քիչ անց կորցրեց եւս մեկ գոլային պահ:
Կլաուդիո Ռանյերիի թիմը հավաքեց 53 միավոր եւ արդեն 6 միավոր է գերազանցում երկրորդ տեղում գտնվող «Մանչեսթեր Սիթիին»: 2-3-րդ տեղերը բաժանող «Տոտենհեմն» ու «Արսենալն» 8-ական միավոր են զիջում առաջատարին, բայց մեկական խաղ պակաս են անցկացրել:
Անգլիայի առաջնություն, 25-րդ տուր
«Մանչեսթեր Սիթի» - «Լեսթեր»՝ 1:3
Սերխիո Ագուերո, 87 – Ռոբերտ Հուտ, 3, 60, Ռիհադ Մահրեզ, 48
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։