Վարդի. Կձգտենք Մանչեսթերից վերադառնալ հաղթանակով
14:27 6 փետրվարի, 2016«Մանչեսթեր Սիթին» ունի համաշխարհային մակարդակի շատ աստղեր, բայց «Լեսթերը» կարող է ճակատամարտ տալ բոլոր մրցակիցներին, ասել է Պրեմյեր լիգայի ընթացիկ լավագույն ռմբարկու, Անգլիայի հավաքականի եւ «Լեսթերի» հարձակվող Ջեյմի Վարդին:
«Դժվար է լինելու, մենք գիտենք այդ մասին: Կձգտենք Մանչեսթերից վերադառնալ հաղթանակով: Նշանակություն չունի, թե ինչպես կխաղա «Սիթին»: Նրանք խաղում են տանը եւ կգրոհեն, բայց ամեն ինչ կախված է մեզնից: Մենք պետք է ցուցադրենք մեր խաղը եւ ապացուցենք, որ «Լեսթերն» արժանի է հաղթանակի»,- Վարդիի խոսքը մեջբերում է «Լեսթերի» պաշտոնական կայքը:
Փետրվարի 6-ին կայանալիք «Մանչեսթեր Սիթի» - «Լեսթեր» հանդիպումը կմեկնարկի Երեւանի ժամանակով 16:45-ին: Պրեմյեր լիգայի առաջատարը «Լեսթերն» է՝ 50 միավոր, երկրորդ տեղում «Մանչեսթեր Սիթին» է՝ 47:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։