«Բանանցին» է միացել Հոլանդիայի գավաթակիր ու սուպերգավաթակիր խաղացող
18:51 3 փետրվարի, 2016Երեւանի «Բանանցը» պայմանագիր է կնքել 26-ամյա մակեդոնացի հարձակվող Դենիս Մահմուդովի հետ, որն ունի նաեւ Հոլանդիայի քաղաքացիություն եւ երկար տարիներ հանդես է եկել Հոլանդիայի առաջնությունում: Նա հանդես է եկել «Ապելդորն», «Զվոլե», «Սպարտա Ռոտերդամ» թիմերի կազմերում: «Զվոլեի» կազմում նա հանդես է եկել Հոլանդիայի ուժեղագույն լիգայում եւ դարձել է Հոլանդիայի գավաթակիր ու սուպերգավաթակիր: Մահմուդովի նախորդ թիմն է եղել բուլղարական «Լեւսկին», հաղորդում է «Բանանցի» մամուլի ծառայությունը:
2014/15 մրցաշրջանում Մահմուդովը Ռոտերդամի «Սպարտայի» կազմում մասնակցել է Հոլանդիայի առաջնության Eereste Divisie-ի (երկրորդ մակարդակ) 32 խաղի եւ դարձել է 14 գոլի հեղինակ:
Ընդհանուր առմամբ Հոլանդիայի տարբեր մակարդակների առաջնություններում նա մասնակցել է 84 խաղի եւ դարձել է 95 գոլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։