Whoscored.com-ը ներկայացրել է Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի վիճակագրությունը «Շտուտգարտի» դեմ Գերմանիայի առաջնության 14-րդ տուրի խաղում։
Մխիթարյանը երկուական հարված է կատարել դարպասին եւ դարպասի ուղղությամբ։ Հայ ֆուտբոլիստի 39 փոխանցումից ճշգրիտ է եղել 71,8 տոկոսը։ 26-ամյա խաղացողը մեկ անգամ հաղթող է եղել օդային պայքարում, 10 անգամ հաջողությամբ շրջանցել է մրցակցին, երեք անգամ խլել է գնդակը, մեկ անգամ կասեցրել է մրցակցի գրոհը։
Մխիթարյանը մեկ անգամ է խախտել կանոնները, երկու անգամ հայտնվել է խաղից դուրս վիճակում, նրա դեմ պայքարում կանոնները խախտել են երեք անգամ։
Մխիթարյանը ստացել է 9.50 գնահատականը եւ ճանաչվել է հանդիպման լավագույն խաղացող։
Հիշեցնենք, որ Թոմաս Տուխելի գլխավորած թիմը հաղթել է 4։1 հաշվով, իսկ Մխիթարյանն անցկացրել է ամբողջ հանդիպումը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։