Վան Նիստելրոյը շնորհավորել է Ջեյմի Վարդիին

09:45   30 նոյեմբերի, 2015

Հոլանդիայի հավաքականի եւ «Մանչեսթեր Յունայթեդի» նախկին ռմբարկու Ռուդ վան Նիստելրոյը շնորհավորել է «Լեսթերի» անգլիացի հարձակվող Ջեյմի Վարդիին, որը վերջերս գերազանցել էր նրա ռեկորդը:

«Հիանալի է Վարդի: Այժմ դու համար առաջինն ես եւ արժանի ես դրան»,- Instagram-ում գրել է Նիստելրոյը:

Հիշեցնենք, որ Անգլիայի առաջնության 14-րդ տուրում գրավելով «Մանչեսթեր Յունայթեդի» դարպասը՝ 28-ամյա Վարդին դարձավ պատմության առաջին ֆուտբոլիստը, որը գոլի հեղինակ է դառնում Պրեմյեր լիգայի 11-րդ խաղում անընդմեջ: 2003-ին Նիստելրոյը Անգլիայի առաջնությունում գոլ էր խփել 10 խաղերում անընդմեջ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։