Վալբուենա. Կարող եմ խաղալ Բենզեմայի հետ, բայց նա չի լինի ընկերս
09:43 28 նոյեմբերի, 2015Ես զարմացել էի, որ Բենզեման մասնակից է այս ամենին, բայց երբ իմանում ես հետաքննության մանրամասները, արդեն ոչինչ չի զարմացնում, ասել է Ֆրանսիայի հավաքականի եւ «Լիոնի» կիսապաշտպան Մաթյո Վալբուենան, որը չի պատրաստվում պաշտպանել թիմակցին:
«Քարիմը ցանկանում էր, որ ես հանդիպեմ նրա ընկերոջ հետ: Նա ագրեսիվ չէր, գումարի մասին չէր խոսում, բայց երբ մարդն այդքան համառություն է դրսեւորում, ամեն ինչ հասկանալի է: Ես արդեն 31 տարեկան եմ եւ հիմար չեմ: Ես հիասթափված եմ: Այդպես չի կարելի վարվել: Ես այդպիսի վերաբերմունք ցույց չէի տա նույնիսկ ոխերիմ թշնամուս: Այդ պատճառով էլ չեմ կարող պաշտպանել Բենզեմային: Ես արդարության կողմնակից եմ: Հետագա որոշումներն իմ իրավասությունից դուրս են: Ես կարող եմ շարունակել խաղալ Բենզեմայի հետ, բայց նա չի լինի իմ ընկերը»,- Վալբուենայի խոսքը մեջբերում է «Լիոնի» մամուլի ծառայությունը:
Բենզեման խոստովանել էր, որ միջնորդ է եղել Վալբուենային շանտաժի ենթարկածների եւ ֆուտբոլիստի միջեւ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։