Sport-express. «Կրասնոդարին» ոչ միշտ էր հաջողվում չեզոքացնել Մխիթարյանին
11:50 27 նոյեմբերի, 2015«Спорт-Экспресс»-ը գնահատել է ֆուտբոլիստների գործողությունները Եվրոպայի լիգայի խմբային մրցաշարի 5-րդ տուրի «Կրասնոդար» - «Բորուսիա» խաղում:
Հայաստանի հավաքականի կիսապաշտպան Հենրիխ Մխիթարյանը ճանաչվել է լավագույնը դորտմունդյան թիմում՝ ստանալով 6.5 գնահատականը:
«Մխիթարյանը ստեղծեց մի քանի գոլային պահեր թիմակիցների համար, կարող էր գնդակ խփել ընդմիջումից առաջ եւ հետո, բայց հայ խաղացողի ամենավտանգավոր հարվածից հետո «Կրասնոդարին» փրկեց դարպասաձողը: Դաշտի տերերին ոչ միշտ էր հաջողվում չեզոքացնել Մխիթարյանին եւ Գյունդոգանին»,- գրում է կայքը:
Հիշեցնենք, որ Թոմաս Տուխելի ղեկավարած թիմը պարտվել է 0:1 հաշվով, Մխիթարյանն անցկացրել է ամբողջ հանդիպումը: Երկու թիմերն էլ նվաճել են փլեյ-օֆֆի ուղեգիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։