Դորտմունդի «Բորուսիայի» եւ «Կրասնոդարի» միջեւ Եվրոպայի լիգայի 5-րդ տուրի խաղի համար Ռուսաստան ժամանած գերմանացի լրագրող Մաթիաս Դերշն ուշադրություն է դարձրել «Կուբան» ստադիոնի Wi-Fi-ի ծածկագրի վրա։ «19411945» թվերը նա համեմատել է Երկրորդ համաշխարհային պատերազմի տարեթվերի հետ։
«Ասուլիսների սրահի Wi-Fi-ի ծածկագիրը 19411945 է։ Գուցե դա պարզապես զուգադիպություն է»,- թվիթերյան էջում գրել է Դերշը։
Ռուսական մամուլի համաձայն՝ այդ ծածկագիրը վաղուց է օգտագործվում «Կուբան» ստադիոնում։
Հիշեցնենք, որ նոյեմբերի 26-ին Կրասնոդարում կայանալիք «Կրասնոդար» - «Բորուսիա» հանդիպումը կմեկնարկի Երեւանի ժամանակով 20:00-ին: Գերմանական ակումբն արդեն ապահովել է փլեյ-օֆֆի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։