ՖԻՖԱ-ի քննչական պալատը հորդորել է Պլատինիին ցմահ հեռացնել ֆուտբոլից
17:06 24 նոյեմբերի, 2015ՖԻՖԱ-ի քննչական պալատում Յոզեֆ Բլատերի եւ Միշել Պլատինիի գործերով քննչական միջոցառումները ղեկավարած իրավաբան Վանեսա Ալարդը հորդորել է ՈւԵՖԱ-ի նախագահ Պլատինիին ցմահ զրկել ֆուտբոլային գործունեությամբ զբաղվելու իրավունքից, հաղորդում է dailymail-ը։
ՖԻՖԱ-ի Էթիկայի անկախ կոմիտեի վճռաբեկ պալատը քննչական պալատից ստացել է ՖԻՖԱ-ի նախագահի պաշտոնը զբաղեցնող Բլատերի եւ Պլատինիի նկատմամբ իրականացվող հետաքննության զեկույցները, ինչից հետո գործ է հարուցել նրանց դեմ։ Վճռի հրապարակումը սպասվում է դեկտեմբերին։
Բլատերը կասկածվում է Պլատինիին 2 միլիոն շվեյցարական ֆրանկի անօրինական փոխանցում կատարելու մեջ։ Պաշտոնյաները նշում են, որ փոխանցումը պայմանագրով նախատեսված վճարում է Պլատինիի կատարած աշխատանքի համար։
Բլատերն ու Պլատինին հոկտեմբերից 90 օրով հեռացված են ֆուտբոլից։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։