Թուրք լրագրող. Արաս Օզբիլիսը կտեղափոխվի «Բեշիկթաշ»
23:25 22 նոյեմբերի, 2015Մոսկվայի «Սպարտակի» եւ Հայաստանի հավաքականի կիսապաշտպան Արաս Օզբիլիսը մոտ է Ստամբուլի «Բեշիկթաշ» տեղափոխվելուն: Այդ մասին հայտնել է թուրքական Beyaztv-ի լրագրող Սինան Էնգինը:
Աղբյուրի համաձայն՝ թուրքական ակումբը ռուսական կողմի հետ փոխհամաձայնության է եկել 25-ամյա Օզբիլիսի տրանսֆերի հարցում: Գործարքի մանրամասները չեն հաղորդվում: Բացի այդ, «Բեշիկթաշը» մոտ է նաեւ Լոնդոնի «Չելսիի» պաշտպան Պապի Ջիլոբոջիին ձեռք բերելուն:
Հիշեցնենք, որ Արաս Օզբիլիսը 2013-ին Կրասնոդարի «Կուբանից» է տեղափոխվել մոսկովյան ակումբ: Ավելի վաղ ռուսական մամուլում լուրեր էին շրջանառվում, որ «Սպարտակը» մտադիր է այս ձմռանը տրանսֆերի հանել հիմնական կազմի մի քանի ֆուտբոլիստների, այդ թվում՝ Արաս Օզբիլիսին եւ Հայաստանի հավաքականի հարձակվող Յուրա Մովսիսյանին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։