Եվրո-2016-ի ուղեգիր նվաճած ֆուտբոլի Ալբանիայի հավաքականը կարող է զրկվել Եվրոպայի առաջնության մասնակցության իրավունքից:
Սերբական Kurir.rs-ը գրում է, որ ՈւԵՖԱ-ն հետաքննություն է անցկացնելու Հայաստանի եւ Ալբանիայի հավաքականների միջեւ Եվրո-2016-ի ընտրական մրցաշարի վերջին տուրի խաղի վերաբերյալ: Երեւանի «Հանրապետական» ստադիոնում կայացած հանդիպումը կասկածվում է պայմանավորված բնույթի լինելու մեջ: Աղբյուրը նշում է, որ ալբանացիները Հայաստանի հավաքականի 4 ֆուտբոլիստների 500 հազարական եվրո էին խոստացել այդ խաղում պարտվելու դիմաց:
Եթե հետաքննությունը բացահայտի ալբանացիների մեղքը, ապա նրանք կզրկվեն Եվրոպայի առաջնության մասնակցության իրավունքից, իսկ ուղեգիրը բաժին կհասնի Դանիայի հավաքականին, որը երրորդ տեղն էր գրավել ընտրական I խմբում:
Հիշեցնենք, որ երեւանյան խաղում ալբանացիները հաղթել էին 3:0 հաշվով եւ պատմության մեջ առաջին անգամ նվաճել Եվրոպայի առաջնության ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։