Ֆուտբոլի Հայաստանի մինչեւ 21 տարեկանների հավաքականը 2017թ. Եվրոպայի առաջնության ընտրական մրցաշարի չորրորդ տուրի խաղում Ավանի Ֆուտբոլային ակադեմիայի խաղադաշտում ընդունեց Լյուքսեմբուրգի հավաքականին եւ բավարարվեց ոչ ոքի արդյունքով՝ 1:1:
20-րդ րոպեին հյուրերը հանդես են եկել տասը ֆուտբոլիստներով: Տուգանային հրապարակում վերջին հույսի խախտման համար հեռացվեց Լյուքսեմբուրգի հավաքականի պաշտպան Սեդրիկ Սակրասը, սակայն Արթուր Միրանյանը չկարողացավ արդյունավետ իրացնել 11 մետրանոցը: Կրկնակի սեյվ արեց հյուրերի դարպասապահը:
Արդեն հաջորդ գրոհում 11 մետրանոց նշանակվեց Հայաստանի թիմի դարպասին՝ 1:0:
Երկրորդ խաղակեսում Արամ Շահնազարյանը հավասարեցրեց հաշիվը՝ 1:1:
Հայաստանի եւ Լյուքսեմբուրգի հավաքականները 1-ական միավորով եզրափակում են 5-րդ խմբի մրցաշարային աղյուսակը: Երկու թիմերն էլ նախորդ երեք հանդիպումներում պարտություն էին կրել:
Եվրո-2017, Մ-21
5-րդ խումբ, չորրորդ տուր
Հայաստան - Լյուքսեմբուրգ՝ 1:1
Արամ Շահնազարյան, 67 - Ռիկարդո Կուտո Պինտո, 23, 11մ
Չիրացրած 11մ՝ Արթուր Միրանյան (Հայաստան), 21
Ֆոտո՝ ՀՖՖ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։