«Միլանի», «Չելսիի», «Ռեալի» նախկին գլխավոր մարզիչ Կարլո Անչելոտին առաջինն է առաջարկ ստացել «Լիվերպուլից», սակայն չի հետաքրքրվել դրանով: Այդ մասին հայտարարել է «Սաութհեմփթոնի» եւ «Տոտենհեմի» նախկին գլխավոր մարզիչ Հարի Ռեդնապը:
«Ինձ վստահելի աղբյուրից են հայտնել, որ Անչելոտին առաջինն է առաջարկ ստացել «Լիվերպուլից»: Բայց այդ աշխատանքը նրան չի հետաքրքրել: Իտալացի մասնագետի հետ բանակցել են:
Ես ուրախ եմ, որ հրավիրեցին Կլոպին: Սա լավ նշանակում է: Նա ունի լուսավոր միտք ու անհավանական էնտուզիազմ: Նա հրաշալի լրացում կդառնա անգլիական Պրեմյեր լիգային: Մեծ հետաքրքրությամբ կհետեւեմ «Լիվերպուլին» նրա պաշտոնավարության ժամանակ»,- Ռեդնապի խոսքը մեջբերում է talkSPORT-ը:
Ոչ պաշտոնական տվյալներով, Անչելոտին հաջորդ ամռանը կգլխավորի «Բավարիան»՝ գերմանական ակումբի հետ կնքելով երկու տարվա պայմանագիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։