Սովորաբար մեր թիմի ճակատագիրը լինում է մեր ձեռքում, սակայն այս անգամ այդպես չէ, ինչն անսովոր է: Այդ մասին հայտարարել է ֆուտբոլի Հոլանդիայի հավաքականի կիսապաշտպան Արյեն Ռոբենը Եվրոպայի առաջնության ընտրական մրցաշարի վերջին հանդիպումից առաջ:
«Շատ հիասթափված եմ, որ վերջին շրջանում չեմ կարողացել շատ խաղալ, զգում եմ ինձ անզոր: Բայց մենք դեռ ողջ ենք: Քանի դեռ ունենք Եվրո-2016 դուրս գալու շանս, կգործադրենք առավելագույն ջանք: Պետք է հաղթանակ տանել, հետո աղոթել»,- Ռոբենի խոսքը մեջբերում է ՈւԵՖԱ-ի կայքը:
Անցումային հանդիպումների իրավունք նվաճելու համար Հոլանդիայի հավաքականը հոկտեմբերի 13-ին կայանալիք վերջին տուրի խաղում պետք է հաղթանակ տանի ուղեգիր նվաճած Չեխիայի նկատմամբ, նաեւ Իսլանդիան պետք է պարտության մատնի Թուրքիային:
Իսլանդիայի հավաքականը 20 միավորով գլխավորում է A խմբի մրցաշարային աղյուսակը եւ ապահովել է ուղեգիրը: Իսկ Թուրքիան գերմոտիվացված է, քան որ 15 միավորով երրորդ տեղում է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։