Հարավային Կորեայի Մունգյոնգ քաղաքում ընթացող Համաբանակային 6-րդ ամառային խաղերում Հայաստանն արդեն ունի 2 մեդալ:
Հունահռոմեական ոճի ըմբշամարտի մրցաշարում 66 կգ քաշային Կարեն Ասլանյանը դարձել է արծաթե մեդալակիր, իսկ 80 կգ քաշային Սարգիս Քոչարյանը նվաճել է բրոնզե մեդալ: Աշխարհի նախկին չեմպիոն Ասլանյանը 3 հաղթանակ տանելուց հետո եզրափակիչում 0:6 հաշվով պարտվել է կորեացի Ջի Հուն Կիմին:
Համաշխարհային բանակային խաղերին այս տարի մասնակցում են 110 երկրի 8700 մարզիկներ: Սա Հայաստանի առաջին մասնակցությունն է: Հայաստանի պատվիրակությունը մրցավայր է մեկնել 15 մարզիկով՝ հունահռոմեական եւ ազատ ոճի ըմբշամարտ, ձյուդո, թաեքվոնդո եւ հեծանվասպորտ մարզաձեւերում, փոխանցում է ՀԱՕԿ-ի կայքը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։