Եվրո-2016. Շվայնշտայգերն ու Գյոտցեն չեն օգնի Գերմանիային վճռական խաղում
15:58 9 հոկտեմբերի, 2015Կիսապաշտպաններ Մարիո Գյոտցեն ու Բաստիան Շվայնշտայգերը չեն կարողանա օգնել Գերմանիայի հավաքականին Վրաստանի հետ Եվրոպայի առաջնության ընտրական խաղում: Դուբլինում կայացած Իռլանդիայի դեմ ընտրական խաղում Մյունխենի «Բավարիայի» խաղացող Գյոտցեն ստացել է ազդրի մկանային վնասվածք եւ փոխարինվել է 35-րդ րոպեին: «Մանչեսթեր Յունայթեդի» խաղացող Բաստիան Շվայնշտայգերը չի մասնակցել հանդիպմանը: Գերմանիան պարտվել էր 0:1 հաշվով:
«Մարիոն հաստատապես չի մասնակցի Վրաստանի դեմ խաղին: Շվայնշտայգերի վիճակն անորոշ է: Բժշկական շտաբն ասել է, որ նրան անհրաժեշտ է երեք օր հանգիստ»,- Գերմանիայի հավաքականի գլխավոր մարզիչ Յոահիմ Լյովի խոսքը մեջբերում է Sport1-ը:
Գերմանիայի հավաքականն ունի 19 միավոր, լեհերն ու իռլանդացիները վաստակել են 18-ական միավոր եւ վերջին տուրում կխաղան իրար հետ:
Գերմանիա - Վրաստան հանդիպումը տեղի կունենա հոկտեմբերի 11-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։