Անգլիական «Լիվերպուլը» գլխավորած Յուրգեն Կլոպը իրեն չի համարում հրաշագործ: Այդ մասին նա ասել է Լոնդոնի «Չելսիի» պորտուգալացի գլխավոր մարզիչ Ժոզե Մոուրինյոյի հետ համեմատվելու համատեքստում:
«Եթե Մոուրինյոն ասում է, որ ինքն առանձնահատուկ մարզիչ է, ապա ես սովորական տղա եմ, հրաշագործ չեմ: Կցանկանայի, որ լուսանկարիչները հյուրանոցում ինձ ամեն քայլափոխի չլուսանկարեին:
«Լիվերպուլում» տրանսֆերների հարցերում իմ խոսքը կլինի առաջինն էլ, վերջինն էլ»,- Կլոպի խոսքը մեջբերում է Sky Sports-ը:
«Լիվերպուլի» հետ բանակցություններում Կլոպի գլխավոր նախապայմանը եղել էր տրանսֆերային քաղաքականությունն ինքնուրույն վարելու իրավունքը: Ոչ պաշտոնական տվյալներով, Կլոպի տարեկան աշխատավարձը 7 միլիոն ֆունտ ստերլինգ է: Եթե այդ լուրը հաստատվի, ապա գերմանացի մասնագետը կլինի Անգլիայի Պրեմյեր լիգայի ամենաբարձր վարձատրվող մարզիչը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։