Դիդյե Դեշամ. Հայաստանի հավաքականը լավ փորձություն կազմակերպեց մեզ համար

13:32   9 հոկտեմբերի, 2015

Ֆուտբոլի Ֆրանսիայի հավաքականի գլխավոր մարզիչ Դիդյե Դեշամը մեկնաբանել է ընկերական խաղում Հայաստանի հավաքականի նկատմամբ տարած հաղթանակը:

«Առաջին հայացքից կարող եք կարծել, որ հեշտ էր մեզ համար, սակայն այդպես չէ: Հայաստանի հավաքականը լավ փակվել էր եւ թույլ չտվեց մեզ խաղալ այն ֆուտբոլը, որը ցանկանում էինք:

Մենք հաստատեցինք այն խաղամակարդակը, որը ցուցադրել էինք սեպտեմբերին: Ամեն դեպքում, մրցակիցը լավ փորձություն կազմակերպեց մեզ համար, հատկապես, առաջին խաղակեսում»,- Դեշամի խոսքը մեջբերում է L’Equipe-ը:

Հիշեցնենք, որ Նիցայում կայացած խաղում Հայաստանի հավաքականը պարտվել է 0:4 հաշվով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։