Իկեր Կասիլյաս. Կկարողանամ խաղալ եւս երկու տարի
12:44 9 հոկտեմբերի, 2015Ցանկանում եմ կատարել «Պորտուի» հետ պայմանագիրս, ասել է Իսպանիայի հավաքականի դարպասապահ Իկեր Կասիլյասը:
«Հոգեբանորեն լավ վիճակում եմ: Եթե վնասվածքները չխանգարեն, ապա կկարողան խաղալ եւս երկու տարի: Դարպասապահը կարող է մյուս խաղացողներից երկար խաղալ: Շատ կցանկանայի Չեմպիոնների լիգայի եզրափակիչում տեսնել «Ռեալին» եւ «Պորտուին»: Դա կնշանակեր, որ իմ ամբողջ կյանքի թիմն ու ներկա ակումբը շատ լավ են լուծում խնդիրները»,- Կասիլյասի խոսքը մեջբերում է Marca-ն:
Հիշեցնենք, որ Կասիլյասն այս ամռանն է «Ռեալից» տեղափոխվել «Պորտու»: Իսպանիայի հավաքականը հոկտեմբերի 9-ին Եվրոպայի առաջնության ընտրական մրցաշարի հանդիպում կանցկացնի Լյուքսեմբուրգի թիմի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։