Գաել Անդոնյան. Ծնվել եւ կայացել եմ Ֆրանսիայում, բայց հոկտեմբերի 8-ին կլինեմ հայ
16:32 7 հոկտեմբերի, 2015Ինձ համար հարազատ երկրի հավաքականի դեմ հանդիպումը կլինի առանձնահատուկ, ասել է ֆրանսիական «Մարսելի» եւ Հայաստանի հավաքականի պաշտպան Գաել Անդոնյանը։ Հոկտեմբերի 8-ին Նիցայում Հայաստանի հավաքականն ընկերական հանդիպում կանցկացնի ֆրանսիացիների հետ։
«Ես ծնվել եւ կայացել եմ Ֆրանսիայում, երկրպագում եմ Ֆրանսիայի հավաքականին, սակայն հոկտեմբերի 8-ին կլինեմ հայ։ Ցանկանում եմ առաջիկա հանդիպմանը տրամադրվել սովորականի նման, սակայն չի ստացվում։ Առանձնահատուկ խաղ կլինի ինձ համար»,- 20-ամյա ֆուտբոլիստի խոսքը մեջբերում է La Provence-ը։
Հիշեցնենք, որ Անդոնյանը ժամանակին հանդես է եկել Ֆրանսիայի պատանեկան հավաքականում, սակայն 2015-ին ստացավ Հայաստանի քաղաքացիություն եւ ներկայացնում է Հայաստանի ազգային հավաքականը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։