Իզաբելլա Յայլյանը նվաճել է Լիտվայի Կլայպեդա քաղաքում ընթացող ծանրամարտի կանանց Եվրոպայի մինչեւ 20 տարեկանների առաջնության երկամարտի ոսկե մեդալը: 58 կգ քաշային կարգում Հայաստանի ներկայացուցիչը երկամարտի 194 (88+106) կգ արդյունքով գրավել է առաջին տեղը՝ 1 կգ գերազանցելով երկրորդ տեղը գրաված ուկրաինացի Վերոնիկա Իվասյուկին: Պոկում վարժությունում Յայլյանը ցույց է տվել երկրորդ, հրում վարժությունում՝ առաջին արդյունքը:
Հիշեցնենք, որ Եվրոպայի երիտասարդական առաջնության առաջին օրը 56 կգ քաշային Սմբատ Մարգարյանն արծաթե մեդալակիր էր դարձել մինչեւ 23 տարեկանների մրցաշարում:
Մինչեւ 20 տարեկանների առաջնությունում, 56 կգ քաշայինների պայքարում Մարզպետ Մինասյանը երկամարտի 227 կգ (107+120) արդյունքով երրորդն էր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։