Ֆուտբոլիստների 38 տոկոսը տառապում է դեպրեսիայից
17:48 6 հոկտեմբերի, 2015Պրոֆեսիոնալ ֆուտբոլիստների ասոցիացիաների միջազգային ֆեդերացիայի (FIFPro) ուսումնասիրությունը ցույց է տվել, որ գործող ֆուտբոլիստների 38 տոկոսը տառապում է դեպրեսիայից, կարիերան ավարտած խաղացողների 35 տոկոսն ունի նմանատիպ հոգեբանական խնդիրներ:
Ուսումնասիրությանը մասնակցել են տարբեր երկրների 607 գործող եւ 219 նախկին ֆուտբոլիստներ: Գործող ֆուտբոլիստների 55 տոկոսը եւ նախկինների 64 տոկոսը ներկայացրել են երկրների բարձրագույն լիգաները:
Գործող ֆուտբոլիստների 9 տոկոսը չարաշահում է ալկոհոլ (նախկին խաղացողների 25 տոկոսը), 4 տոկոսը ծխում է (նախկին խաղացողների 11 տոկոսը), 23 տոկոսն ունի քնի հետ կապված խնդիրներ (նախկինների 28 տոկոսը):
Դեպրեսիայի եւ հոգեբանական խնդիրներ առավել շատ ունենում են կարիերայի ընթացքում երեք եւ ավելի լուրջ վնասվածքներ տարած խաղացողները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։