Դավիթ Արշակյանը փաստաթղթային խնդիրների պատճառով չի միանա Հայաստանի Մ-21 հավաքականին
18:11 5 հոկտեմբերի, 2015Ֆուտբոլի Հայաստանի մինչեւ 21 տարեկանների հավաքականը հոկտեմբերի 5-ին սկսել է մարզական հավաքը՝ պատրաստվելով հոկտեմբերի 9-ին՝ ժամը 20:00-ին, Բուլղարիայի Ստարա Զագորա քաղաքի «Բերոե» ստադիոնում տեղի ունենալիք 2017թ. Եվրոպայի Մ-21 առաջնության Բուլղարիայի հետ ընտրական հանդիպմանը, հաղորդում է ՀՖՖ կայքը: Հավաքը կտեւի մինչեւ հոկտեմբերի 7-ը: Թիմը հանգրվանել է «Ռեժինե» հյուրանոցում, մարզումներն անցկացնում է Ավանի Ֆուտբոլի ակադեմիայում: Հավաքականը Բուլղարիա կմեկնի հոկտեմբերի 7-ի առավոտյան:
Հայաստանի մինչեւ 21 տարեկանների հավաքականի գլխավոր մարզիչ Արտակ Օսեյանի հրավիրած 23 ֆուտբոլիստներից հավաքականին չի միանա լիտվական «Տրակայի» հարձակվող Դավիթ Արշակյանը, որն ունի փաստաթղթային խնդիրներ: 21-ամյա հարձակվողը մեկ գոլ է զիջում Լիտվայի առաջնության լավագույն ռմբարկուների մրցավազքի առաջատարին՝ 30 տուրում խփելով 20 գնդակ:
Արտյոմ Սիմոնյանը, Արթուր Միրանյանը եւ Իվան Մամախանովը հավաքականին կմիանան հոկտեմբերի 6-ի առավոտյան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։