38-ամյա Լեւան Կոբիաշվիլին` Վրաստանի ֆուտբոլի ֆեդերացիայի նախագահ
17:26 4 հոկտեմբերի, 2015Վրաստանի ազգային հավաքականի նախկին պաշտպան Լեւան Կոբիաշվիլին ընտրվել է երկրի ֆուտբոլի ֆեդերացիայի նախագահ, հաղորդում է կազմակերպության կայքը:
Վրաստանի ֆուտբոլի ֆեդերացիայի նախագահական ընտրություններում 38-ամյա Կոբիաշվիլին հավաքել է 18 ձայն՝ 3 քվեով գերազանցելով Ռեւազ Արվելաձեին:
Նախկին ֆուտբոլիստը կարիերան ավարտել էր 2014-ին: Պրոֆեսիոնալ կարիերայի ընթացքում նա հանդես է եկել Թբիլիսիի «Դինամոյում», «Ռուստավիում», Վլադիկավկազի «Ալանիայում», գերմանական «Ֆրայբուրգում», «Շալկեում» եւ «Հերտայում»: Վրաստանի հավաքականի կազմում Կոբիաշվիլին 1996–2011-ն անցկացրել է 100 խաղ՝ խփելով 12 գոլ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։