«Բանանցի» գլխավոր տնօրեն Ռոման Ասխաբաձեն ֆուտբոլի Հայաստանի առաջնության 9-րդ տուրում «Փյունիկից» նվազագույն հաշվով կրած պարտությունից հետո պատասխանել է ակումբի կայքի հարցերին:
Ինչպիսի՞ն են Ձեր տպավորությունները «Բանանցի» ելույթներից:
Բնականաբար, մեզ չեն ուրախացնում վերջին արդյունքները, բայց ամեն ինչ միանգամից չի լինում: Համոզված եմ, որ հաղթանակները կգան և դրա համար, ինչպես նախկինում էի ասում, անհրաժեշտ է շատ բան փոխել ակումբի ամբողջ կառուցվածքում:
Ինչպիսի՞ փոփոխությունների մասին է խոսքը:
Մենք արդեն ունենք բավականաչափ տեղեկատվություն և վերլուծել ենք այն ամենն, ինչ տեղի է ունենում հիմա: Այդ պատճառով առաջիկա օրերին պլանավորվում է ակումբի սեփականատերերի հետ հանդիպում, որի ընթացքում էլ կհաստատենք առաջիկա մրցաշրջանների ընթացքում զարգացման ուղին:
Այսօր մարզադաշտում ներկա մոտ 2000 հանդիսականներ զգացին հանդիպման կազմակերպման մեջ տարբերությունները: Արդյո՞ք շարունակվելու են երկրպագուներին մարզադաշտ բերելուն ուղղված ծրագրերը:
Սա շատ դրական պահ է: Մեկ շաբաթվա ընթացքում մեզ հաջողվեց ավելի շատ երկրպագու բերել մարզադաշտ, քան երբևէ վերջին տարիների ընթացքում: Հետագայում էլ պլանավորում ենք զարգացնել հավատարմության ծրագիրը և մեծացնել մեր մարզադաշտում հանդիսականների քանակը: Եվ այս ամենը թիմի ոչ լավագույն արդյունքների պարագայում: Բոլորին սպասու՛մ ենք մեր մարզադաշտում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։