Արաս Օզբիլիսը մարզաշապիկը նվիրել է իր հարվածից տուժած աղջկան (ֆոտո)

Մոսկվայի «Սպարտակի» կիսապաշտպան Արաս Օզբիլիսը Սարանսկի «Մորդովիայի» դեմ Ռուսաստանի առաջնության 11-րդ տուրի խաղի ընդմիջմանը նախավարժանքի ժամանակ պատահմամբ գնդակով հարվածել է մի երկրպագուհու, որը նստած է եղել դարպասի հետեւում: Հայաստանի հավաքականի ֆուտբոլիստն անմիջապես մոտեցել եւ ներողություն է խնդրել աղջկանից, իսկ խաղից հետո նաեւ նրան է նվիրել իր մարզաշապիկը, գրում է «Чемпионат»-ը:

Հիշեցնենք, որ Սարանսկում կայացած խաղում Օզբիլիսը փոխարինման էր դուրս եկել 67-րդ րոպեին, իսկ Հայաստանի հավաքականի հարձակվող Յուրա Մովսիսյանը մոսկովյան ակումբի մեկնարկային կազմում խաղացել էր 58-րդ րոպե եւ դարձել էր միակ գոլի գոլային փոխանցման հեղինակը: