Ռուսլան Կորյան. Այսօր կորցրինք 2 միավոր, քանի որ մեր գոլային պահերն ավելի սուր էին
23:11 7 սեպտեմբերի, 2015Ֆուտբոլի Հայաստանի հավաքականի եւ ռուսական «Լուչ-Էներգիայի» հարձակվող Ռուսլան Կորյանը Դանիայի հավաքականի դեմ Եվրոպայի առաջնության ընտրական մրցաշարի նախավերջին խաղից հետո մեկնաբանել է արդյունքը, փոխանցում է NEWS.am Sport-ի թղթակիցը:
«Տրամադրությունս նորմալ է՝ աշխատանքային: Իմ խաղը չեմ գնահատի, այլ կգնահատեմ թիմի խաղը: Մեկնարկային 20 րոպեները բարդ էին, հետո հավասարեցրինք խաղը եւ ստեղծեցինք գոլային պահեր: Ձգտում էինք, շատ կարեւոր էր վերականգնել երկրպագուների վստահությունը սերբերի դեմ խաղից հետո: Կարծում եմ՝ ինչ-որ չափով ստացվեց: Երեւի, այսօր կորցրինք 2 միավոր, քանի որ մեր գոլային պահերն ավելի սուր էին:
Սա չորրորդ խաղս էր հավաքականում եւ որքան շատ ես ստանում խաղաժամանակ, այնքան ավելանում է վստահությունը: Սերբերի դեմ խաղն ամբողջությամբ ձախողեցինք»,- ասել է Ռուսլան Կորյանը:
Հիշեցնենք, որ Հայաստան - Դանիա հանդիպումն ավարտվել է 0:0 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։