Եվրո-2016. Կրիստիան Էրիկսենը բաց կթողնի Հայաստանի հավաքականի դեմ խաղը
13:42 5 սեպտեմբերի, 2015Ֆուտբոլի Դանիայի հավաքականի առաջատարներից Կրիստիան Էրիկսենը չի մասնակցի Հայաստանի հավաքականի դեմ Եվրո-2016-ի ընտրական հանդիպմանը, հայտնում է Եվրո-2016-ի թվիթերյան էջը:
Լոնդոնի «Տոտենհեմի» կիսապաշտպանին շարունակում է անհանգստացնել ծնկի վնասվածքը, որի պատճառով նա բաց թողեց նաեւ Ալբանիայի հավաքականի դեմ սեպտեմբերի 4-ին Կոպենհագենում կայացած ընտրական խաղը (0:0): Հայաստանի հավաքականի դեմ վնասվածքի պատճառով չի խաղալու նաեւ հոլանդական ՊՍՎ-ի դանիացի պաշտպան Սիմոն Բասկ Պոուլսենը:
Հիշեցնենք, որ Հայաստան - Դանիա հանդիպումը տեղի կունենա սեպտեմբերի 7-ին Երեւանի «Հանրապետական» ստադիոնում եւ կսկսվի ժամը 20:00-ին: Կոպենհագենում կայացած առաջին խաղում դանիացիները կամային հաղթանակ են տարել Հայաստանի հավաքականի նկատմամբ՝ 2:1:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։