Գիտակցում ենք, որ Եվրո-2016-ի ընտրական մրցաշարը մեզ համար ավարտված է, ասել է ֆուտբոլի Սերբիայի հավաքականի գլխավոր մարզիչ Ռադովան Չուրչիչը Հայաստանի հավաքականի դեմ հանդիպումից առաջ:
«Առաջիկա չորս հանդիպումները լավ նախապատրաստություն կլինեն հաջորդ ընտրական մրցաշարի համար: Խաղալու հնարավորություն կտանք այն ֆուտբոլիստներին, ովքեր մինչեւ հիմա չեն դուրս եկել խաղադաշտ: Հայաստանի թիմի հետ խաղը լավ փորձություն կլինի նրանց համար:
Մենք չենք պատրաստվում թերագնահատել Հայաստանի հավաքականին: Երեւանում կայացած առաջին խաղում մենք մեծ դժվարությամբ վաստակեցինք մեկ միավոր:
Հաղթանակը հայ ֆուտբոլիստների նկատմամբ վստահություն կտա մեզ, կվերականգնի երկրպագուների հավատը ազգային թիմի նկատմամբ»,- Չուրչիչի խոսքը մեջբերում է alo.rs-ն:
I խմբում Սերբիայի հավաքականը հինգ խաղից հետո վերջին տեղում է (-2 միավոր): Հայաստանը հինգ խաղում վաստակել է 1 միավոր եւ նախավերջինն է: Երկու թիմերն էլ կորցրել են երրորդ տեղի (անցումային հանդիպում) համար պայքարելու հնարավորությունը:
Սերբիա - Հայաստան ընտրական հանդիպումը տեղի կունենա սեպտեմբերի 4-ին եւ կմեկնարկի Երեւանի ժամանակով 22:45-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։