Մարկո Ռոյսը լքել է Գերմանիայի հավաքականի հավաքը

14:49   3 սեպտեմբերի, 2015

Դորտմունդի «Բորուսիայի» կիսապաշտպան Մարկո Ռոյսը վնասվածքի պատճառով Գերմանիայի հավաքականին չի օգնի Լեհաստանի եւ Շոտլանդիայի դեմ Եվրո-2016-ի ընտրական խաղերում, հաղորդում է Bild-ը:

Ոտքի մատերից մեկի վնասվածքի պատճառով 26-ամյա ֆուտբոլիստը հեռացել է ազգային թիմի ճամբարից: Լեհերի դեմ Բունդեսթիմը խաղալու է սեպտեմբերի 4-ին Ֆրանկֆուրտում, իսկ 3 օր անց Գլազգոյում կհանդիպի Շոտլանդիայի թիմին: 

Ռոյսը վնասվածքը ստացել է Բեռլինի «Հերտայի» դեմ Բունդեսլիգայի երրորդ տուրի խաղում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։