Դորտմունդի «Բորուսիան» 60 միլիոն ֆունտ է պահանջել Մարկո Ռոյսի համար
00:18 3 սեպտեմբերի, 2015Ավարտված տրանսֆերային պատուհանի վերջին օրը «Մանչեսթեր Յունայթեդը» փորձել է ձեռք բերել Դորտմունդի «Բորուսիայի» գերմանացի կիսապաշտպան Մարկո Ռոյսին:
Անգլիայի 20-ակի չեմպիոնը Գերմանիայի հավաքականի 26-ամյա ֆուտբոլիստի տրանսֆերը փորձել է իրականացնել վարձավճարով «Բորուսիային» միացած Ադնան Յանուզայի տեղափոխության հետ միասին: Գերմանական ակումբը Ռոյսի համար պահանջել է 60 միլիոն ֆունտ ստերլինգ, իսկ անգլիացիներն առաջարկել են 10 միլիոնով պակաս, ինչը չի բավարարել դորտմունդցիներին, գրում է ESPN-ը:
Հիշեցնենք, որ ամառային տրանսֆերային պատուհանի վերջին օրը «Մանչեսթեր Յունայթեդը» 50 միլիոն եվրոյով ձեռք բերեց «Մոնակոյի» ֆրանսիացի 19-ամյա հարձակվող Անտոնի Մարտիալին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։