«Ռեալի» նախագահը ներողություն է խնդրել Կեյլոր Նավասից
21:20 2 սեպտեմբերի, 2015Մադրիդի «Ռեալի» նախագահ Ֆլորենտինո Պերեսը հանդիպել է կոստառիկացի դարպասապահ Կեյլոր Նավասին:
Արքայական ակումբի ղեկավարը 28-ամյա ֆուտբոլիստից ներողություն է խնդրել «Մանչեսթեր Յունայթեդ» տեղափոխության գործարքի ձախողման համար: Նավասն ու Պերեսը զրուցել են մոտ 2 ժամ, իսկ նրանց հանդիպումը տեղի է ունեցել «Ռեալի» մարզաբազայում, գրում է As-ը:
Հիշեցնենք, որ «Մանչեսթեր Յունայթեդն» ու «Ռեալը» պայմանավորվել էին, որ Իսպանիայի հավաքականի դարպասապահ Դավիդ Դե Խեայի տեղափոխության դիմաց իսպանական ակումբը վճարելու է գումար եւ անգլիացիներին է տրամադրելու Կեյլոր Նավասի տրանսֆերային իրավունքը, սակայն կողմերը չէին հասցրել կատարել գործարքը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։