«Մարիտիմուն» չպահպանեց հաղթական հաշիվը, Գեւորգ Ղազարյանը խաղաց 90 րոպե
23:57 31 օգոստոսի, 2015Ֆուտբոլի Պորտուգալիայի առաջնության երրորդ տուրում «Մարիտիմուն» 1:1 հաշվով ավարտեց «Բելենենսեշի» դեմ արտագնա հանդիպումը: Հայաստանի ազգային հավաքականի կիսապաշտպան Գեւորգ Ղազարյանը երրորդ խաղում անընդմեջ «Մարիտիմուի» մեկնարկային կազմում հանդես եկավ 90 րոպե: Առաջին խաղակեսից հետո հյուրերն առջեւում էին հաշվի մեջ, սակայն գոլ բաց թողեցին 73-րդ րոպեին:
Հիշեցնենք, որ 27-ամյա Ղազարյանը Պորտուգալիայի առաջնությունում խաղացած առաջին հայ ֆուտբոլիստն է: Նա սեպտեմբերի 2-ի առավոտյան կմիանա Հայաստանի հավաքականին, որն արդեն սկսել է պատրաստվել Սերբիայի (սեպտեմբերի 4-ին) եւ Դանիայի (սեպտեմբերի 7-ին) ազգային թիմերի դեմ Եվրո-2016-ի ընտրական խաղերին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։