Մախաչկալայի «Անժիի» գլխավոր մարզիչ Յուրի Սյոմինը, մեկնաբանելով Ռուսաստանի առաջնության 7-րդ տուրում Մոսկվայի «Սպարտակի» նկատմամբ արտագնա հաղթանակը, առանձնացրել է նաեւ Հայաստանի հավաքականի կիսապաշտպան Կառլեն Մկրտչյանին:
«Շիրոկովին ու Պրոմեսին անհատապես հսկելու առաջադրանք չէր եղել, սակայն Ռոմանի նկատմամբ ուշադրություն կար: Իմ կարծիքով, այդ գոտում վատ չխաղաց Կառլեն Մկրտչյանը: Նա վերահսկում էր Շիրոկովին»,- մարզիչի խոսքը մեջբերում է «Անժիի» կայքը:
Հիշեցնենք, որ մոսկովյան խաղում Կառլեն Մկրտչյանը Մախաչկալայի թիմի մեկնարկային կազմում հանդես եկավ առանց փոխարինման եւ, կատարելով մեծ աշխատանք, 69-րդ րոպեին ստացավ դեղին քարտ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։