Ավստրիայում հավաք անցկացնող Դոնեցկի «Մետալուրգը» հունիսի 16-ին ստուգողական հանդիպում է անցկացրել Եկատերինբուրգի «Ուրալի» հետ: Խաղն ավարտվել է 0:0 հաշվով, հաղորդում է ուկրաինական ակումբի պաշտոնական կայքը:
Հայաստանի ազգային հավաքականի կիսապաշտպան Գեւորգ Ղազարյանը «Մետալուրգի» մեկնարկային կազմում է եղել եւ մասնակցել է առաջին խաղակեսին:
Հայաստանի հավաքականի եւ Երեւանի «Փյունիկի» խաղացողներ Արտակ Եդիգարյանն ու Դավիթ Մանոյանը մասնակցել են հանդիպման երկրորդ խաղակեսին: Երեւանցի ֆուտբոլիստները փորձաշրջան են անցնում «Մետալուրգի» կազմում:
Հայաստանի հավաքականի եւ «Ուրալի» հարձակվող Էդգար Մանուչարյանը չի մասնակցել հանդիպմանը: 25-ամյա հարձակվողը հունիսի 15-ին վիրահատվել է Ամստերդամում: Վիրահատությունը հաջող է անցել:
Հունիսի 20-ին «Մետալուրգը» ստուգողական հանդիպում կանցկացնի սլովենական «Ռուդարի», իսկ հունիսի 23-ին՝ ավստրիական «Շտուրմի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։