Ֆուտբոլի Եվրոպայի լիգայի որակավորման փլեյ-օֆֆի պատասխան խաղում Դորտմունդի «Բորուսիան» 7:2 հաշվով առավելության հասավ նորվեգական «Օդդի» նկատմամբ եւ նվաճեց խմբային մրցաշարի ուղեգիր:
Առաջինը գնդակ բաց թողնելուց հետո, դաշտի տերերը կարողացան վեց գոլ խփել: Հաշիվը հավասարեցրեց Հայաստանի հավաքականի կիսապաշտպան Հենրիխ Մխիթարյանը, հեթ-տրիկի հեղինակ դարձավ Մարկո Ռոյսը, դուբլ գրանցեց Սինձի Կագավան:
«Բորուսիայի» երրորդ եւ 6-րդ գոլերի ժամանակ արդյունավետ փոխանցում կատարեց Հենրիխ Մխիթարյանը, որը փոխարինվեց 64-րդ րոպեին:
Հիշեցնենք, որ առաջին խաղում «Բորուսիան» հաղթել էր 4:3 հաշվով:
Եվրոպայի լիգա, որակավորման փլեյ-օֆֆ, պատասխան հանդիպում
«Բորուսիա» (Դորտմունդ, Գերմանիա) – «Օդդ» (Նորվեգիա)՝ 7:2 (առաջին հանդիպում՝ 4:3)
Հենրիխ Մխիթարյան, 25, Մարկո Ռոյս, 27, 32, 57, Սինձի Կագավա, 40, 88, Իլկայ Գյունդոգան, 51 – Օլե Յորգեն Հալվորսեն, 19, Օլիվեր Բերգ, 64
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։