ԱՄՆ-ի Սենթ Լուիս քաղաքում ընթացող Sinquefield Cup շախմատային սուպերմրցաշարի երկրորդ տուրից հետո միանձնյա առաջատարը բուլղարացի Վեսելին Տոպալովն է:
Լեւոն Արոնյանը կես միավոր է հետ առաջատարից: 1.5-ական միավոր ունեն նաեւ ֆրանսիացի Մաքսիմ Վաշյե-Լագրավն ու հոլանդացի Անիշ Գիրին:
Մեկական միավոր ունեն ամերիկացի Հիկարու Նակամուրան, ռուսաստանցի Ալեքսանդր Գրիշչուկը, նորվեգացի Մագնուս Կարլսենը: Կես միավոր ունի ամերիկացի Ուեսլի Սոն:
Պարտություններ են կրել աշխարհի նախկին չեմպիոն Վիշվանաթան Անանդը եւ ամերիկացի Ֆաբիանո Կարուանան:
Երրորդ տուրում Լեւոն Արոնյանը սպիտակներով կմրցի Անիշ Գիրիի հետ: Տուրի մյուս զույգերը կազմել են Սոն ու Գրիշչուկը, Կարլսենն ու Վաշյե-Լագրավը, Նակամուրան ու Կարուանան եւ Անանդն ու Տոպալովը:
Տուրը կմեկնարկի Երեւանի ժամանակով 22:00-ին:
Sinquefield Cup-2015, երկրորդ տուր
Մաքսիմ Վաշյե-Լագրավ (Ֆրանսիա) - Լեւոն Արոնյան (Հայաստան)՝ 0.5:0.5
Ֆաբիանո Կարուանա (ԱՄՆ) - Մագնուս Կարլսեն (Նորվեգիա)՝ 0:1
Վեսելին Տոպալով (Բուլղարիա) - Հիկարու Նակամուրա (ԱՄՆ)՝ 1:0
Ալեքսանդր Գրիշչուկ (Ռուսաստան) - Վիշվանաթան Անանդ (Հնդկաստան)՝ 1:0
Անիշ Գիրի (Հոլանդիա) - Ուեսլի Սո (ԱՄՆ)՝ 0.5:0.5
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։