«Մանչեսթեր Յունայթեդի» գլխավոր մարզիչ Լուի վան Գալը որոշել է չխոչընդոտել Իսպանիայի հավաքականի 24-ամյա դարպասապահ Դավիդ Դե Խեայի տեղափոխությանը Մադրիդի «Ռեալ», գրում է իսպանական AS-ը:
Հոլանդացի մասնագետը չի ցանկանում Դե Խեայի կամքին հակառակ նրան պահել թիմում եւ ակումբի ղեկավարությանը խնդրել է վերսկսել բանակցություններն Արքայական ակումբի հետ: Նշվում է, որ «Մանչեսթեր Յունայթեդի» տրանսֆերներով զբաղվող փոխնախագահ Էդ Վուդվորդը դեմ է Դե Խեայի վաճառքին:
Անգլիական ակումբը մտադիր էր Դե Խեային բաց թողնել «Ռեալ» իսպանացի պաշտպան Սերխիո Ռամոսին ձեռք բերելու դեպքում, սակայն իսպանական ակումբի նախագահ Ֆլորենտինո Պերեսը բավարարել է Ռամոսի ֆինանսական պահանջները, եւ ֆուտբոլիստը կշարունակի կարիերան Մադրիդում:
Բացի այդ, «Մանչեսթեր Յունայթեդն» անվճար ձեռք է բերել Արգենտինայի հավաքականի դարպասապահ Սերխիո Ռոմերոյին եւ կարող է հանգիստ լինել դարպասապահի դիրքի համար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։