Ջոն Թերի. Ֆալկաոն ու Քեյնը լավագույն հարձակվողներն են, որոնց դեմ խաղացել եմ անցած մրցաշրջանում
12:17 31 հուլիսի, 2015Լոնդոնի «Չելսիի» անգլիացի ավագ Ջոն Թերին վստահ է, որ թիմի նորեկ Ռադամել Ֆալկաոն օգուտ կբերի Ժոզե Մոուրինյոյի գլխավորած թիմին նոր մրցաշրջանում:
«Երբ մենք խաղում էինք նրա դեմ ապրիլին, արդեն տասը րոպե անց ես Կեյհիլին ասացի, որ Ֆալկաոյի դեմ հեշտ չի լինի: Նա շատ վտանգավոր էր: Նույնը նա ցուցադրում է «Չելսիի» մարզումների ժամանակ: Ֆալկաոն եւ Հարի Քեյնը ուժեղագույն հարձակվողներն են, որոնց դեմ խաղացել եմ անցած մրցաշրջանում»,- Ջոն Թերիի խոսքը մեջբերում է Goal.com-ը:
29-ամյա կոլումբացի հարձակվողը մեկ տարվա վարձակալությամբ է տեղափոխվել «Չելսի»: Անցած մրցաշրջանը Ֆալկաոն անցկացրեց «Մանչեսթեր Յունայթեդում», սակայն չամրապնդվեց Վան Գալի թիմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։