«Կուկեշի» - «Լեգիա» հանդիպումը մնացել է անավարտ. Ալբանացիները քարով հարվածել են լեհ ֆուտբոլիստին

01:49   31 հուլիսի, 2015

Եվրոպայի լիգայի որակավորման երրորդ փուլի առաջին հանդիպումը ալբանական «Կուկեշիի» եւ լեհական «Լեգիայի» միջեւ մնացել է անավարտ: 51-րդ րոպեին ալբանացի ֆանատները տրիբունայից քարով հարվածել են «Լեգիայի» կիսապաշտպան Օնդրժեյ Դուդային, որն արյունոտված դուրս է բերվել խաղադաշտից պատգարակով: Այդ րոպեին «Լեգիան» հաղթում էր 2:1 հաշվով:  

Լեհ ֆուտբոլասերներն այդ միջադեպից հետո փորձել են ներխուժել խաղադաշտ, սակայն Ալբանիայի մայրաքաղաք Տիրանայի ստադիոնի անվտանգության աշխատակիցները կարողացել են կանխել բախումը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։