Երեւանի «Ուլիսից» Արմավիրի «Տորպեդո» տեղափոխված կիսապաշտպան Արտակ Ալեքսանյանը համեմատել է Հայաստանի Բարձրագույն խմբի ու Ռուսաստանի Առաջին դիվիզիոնի առաջնությունները:
«Հայաստանի առաջնությունում միջին աշխատավարձը 1500 դոլար է, գումարած առավելագույնը 500 դոլար պարգեւավճար: Լեգեոնականները երեք անգամ շատ են ստանում: Կան սերբեր, ուկրաինացիներ, աֆրիկացիներ, մեքսիկացի Ռոմերոն: Արտագնա հանդիպումներ լինում են միայն Գյումրիում եւ Կապանում: Հայաստանում հրաշալի խոտածածկով խաղադաշտեր են, արհեստական չեմ տեսել: Հայաստանի առաջնությանը մասնակցում է 8 թիմ, Ռուսաստանի Ֆուտբոլային ազգային լիգային (Առաջին դիվիզիոն)՝ 20 թիմ: Այստեղ արագությունները բարձր են, ֆուտբոլը կոշտ է: Ուրախ եմ, որ վերադարձել եմ Ռուսաստան»,- Արտակ Ալեքսանյանի խոսքը մեջբերում է Sport-express-ը:
24-ամյա ֆուտբոլիստը ժամանակին խաղացել է Հայաստանի երիտասարդական եւ ազգային հավաքականներում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։