Հաջողությամբ ավարտելով բանակցություններն իսպանացի պաշտպան Սերխիո Ռամոսի հետ՝ Մադրիդի «Ռեալը» վերսկսել է բանակցությունները «Մանչեսթեր Յունայթեդի» եւ Իսպանիայի հավաքականի դարպասապահ Դավիդ Դե Խեայի տեղափոխության հարցով, հաղորդում է Marca-ն:
Արքայական ակումբի ղեկավարությունը մտադիր է արագ լուծել խնդիրը, եւ հնարավոր է, որ արդեն առաջիկա օրերին տրանսֆերը իրականացվի:
«Մանչեսթեր Յունայթեդը» անվճար ձեռք է բերել Արգենտինայի հավաքականի դարպասապահ Սերխիո Ռոմերոյին: Այդ պատճառով չի բացառվում, որ անգլիական ակումբը հետ կանգնի կոշտ դիրքորոշումից Դե Խեայի տրանսֆերի բանակցություններում:
Լուի վան Գալի ղեկավարած թիմը հույս ուներ ձեռք բերել Սերխիո Ռամոսին, սակայն հուլիսի 29-ին հայտնի է դարձել, որ իսպանացի ֆուտբոլիստը կերկարաձգի պայմանագիրը մադրիդյան թիմի հետ մինչեւ 2020 թվականը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։